Вулкански облак од пепел на Камчатка, опасност за авионите

Вулканот Безимијани, кој се наоѓа на рускиот полуостров Камчатка исфрли облак со пепел во висина од околу 10 километри.

Безимијани е еден од најактивните вулкани во светот. Највисокото ниво на опасност е прогласено за авијацијата.

Руското Министерство за цивилна одбрана соопшти дека нема опасност за населените области или туристичките групи.

Вулканот се наоѓа на околу 350 километри од Петропавловск-Камчатски, главниот град на полуостровот.

Поради своите вулкани, гејзери и термални извори, Камчатка е атрактивна дестинација за многу љубители на природата.

Полуостровот Камчатка има околу 160 вулкани, но само неколку од нив се сè уште активни.