Српскиот претседател Александар Вучиќ, во изјава за ТВ Пинк, тврди дека разузнавањето на Украина и една земја од ЕУ стојат зад „лажните закани за бомби“ на летовите на Ер Србија во Москва.
Истакнувајќи дека овие летови продолжуваат целосно поради принципи, Вучиќ рече дека Србија е слободна земја и тие сами ќе одлучуваат.
Откако Русија и објави војна на Украина, Србија, која одлучи да не воведува санкции кон Русија, почна да добива „лажни предупредувања за бомби“ на летовите до земјата.
Според изјавата на српските власти, имаше бројни лажни закани за бомби за планираните летови до Москва и Санкт Петербург.
Додека земјите од Европската унија го затворија својот воздушен простор за Русија како санкција против руската војна против Украина, српската национална авиокомпанија Ер Србија почна да врши летови до Русија со поголеми авиони и го зголеми бројот на летови.
Во изјавата на Твитер, заменик-министерката за надворешни работи на Украина, Емине Џепар, нагласи дека „Ер Србија“ ги удвои своите летови до Москва во периодот кога членките на Европската унија (ЕУ) ги прекинаа летовите кон Русија и го затворија својот воздушен простор за руските авиони.
По притисокот, српскиот претседател Александар Вучиќ во изјава за телевизија Пинк за претстојните претседателски избори изјави дека бројот на дневни летови од главниот град Белград до Русија е намален на еден.
