Претседателот на Србија, Александар Вучиќ рече дека на состанокот на Брдо-Бриони, што денес се одржува во Скопје се разговарало за европската иднина на регионот, за која едни имаат поголем ентузијазам, а други помал.
Тој рече дека денот поминал во конструктивна дискусија и дека во декларацијата стои дека е потребно членство во ЕУ што поскоро, а најдоцна до 2030 година.
-Ова се убави желби, но кој сум јас да го уништам оптимизмот и да им ја намалам амбицијата на некои други. Одлично ако е така, но не сум сигурен, изјави Вучиќ.
Тој изјави дека средбата била коректна и добра, а се разговарало за економските предизвици и како да се надминат проблемите во иднина.
Вучиќ рече дека е загрижен за цената на нафтата и дека се плаши дека таа ќе продолжи да расте, бидејќи тоа може да загрози други работи во сите земји од регионот