Претседателот на Србија – Александар Вучиќ по средбите со специјалниот претставник на ЕУ за дијалог меѓу Белград и Приштина, Мирослав Лајчак и со американскиот амбасадор во Белград, Кристофер Хил изјави дека сега е целосно јасно дека Албин Курти сака уништување и прогон на српскиот народ од Косово.
– Денеска имавме одделни двочасовни разговори за Косово, прво со Мирослав Лајчак, а потоа и со американскиот амбасадор Кристофер Хил, и во следните 72 часа ќе и се обратам на јавноста. Ќе зборувам за тоа што бара Србија, а поради суштинскиот и брутален напад врз српското население, пред се на северот на Косово и Метохија, како и за тоа што т.н. меѓународна заедница нема исполнето, што бара Србија и што ќе направи Србија – напиша Вучиќ на Фејсбук по средбите.
Тој додаде дека „сега е сосема јасно дека Курти сака уништување и прогон на српскиот народ и дека тоа не ни е јасно само нам, туку и на сите други“.
– Ние сме во ситуација кога Србите не можат да направат ништо што може секој во современиот свет да го направи, а сето тоа е благодарение на илегалните, криминални и незаконски одлуки на Албин Курти, а дека од сето ова од Европа и Квинта доаѓаат само зборови на осуда, а на дело ништо не се гледа – оцени Вучиќ.
Тој порача дека „Србија секогаш е за дијалог и дека нема да дозволи прогон и погром на српското население“.
