Претседателот на Србија, Александар Вучиќ утрово во Пекинг се сретна со претседателот на Кина, Си Џипинг, а после средбата зборуваше за добрите односи меѓу Кина и Србија.
-Многу сум задоволен, неколку пати ме нарече стар пријател, а кинеската поговорка вели дека најдобри се старите пријатели и старото винo. Потврди дека едвај чека да дојде во Србија, но не одел никаде поради короната, рече Вучиќ.
Разговарале за стратешки работи, меѓусебната поддршка во зачувувањето на територијалниот интегиртет во меѓународните институции и организации и според Вучиќ, тоа е многу битно поради Косово.
Освен тоа разговарале и за договорот за меѓусебна трговија, воено-техничката соработа, инфраструктурните проекти.
Тој му се заблагодари на кинескиот претседател за гостопримливоста и упати честитки за организацијата на церемонијата на Зимските олимписки игри.
Ова е седма средба меѓу двајцата претседатели.