Вучиќ: Се покажа дека Србија не е на продажба

Србија ќе продолжи да инсистира на остварување на сите потпишани договори, но и зачувување на државните и национални интереси. Ова го соопштил првиот човек на Србија, Александар Вучиќ на претставниците на меѓународната заедница.

„Затоа ги одликував Ненад Ѓуриќ и Александар Филиповиќ кои со својата решителност покажаа дека Србија не е на продажба и дека нејзините интереси се наш највисок приоритет. Никогаш нема да се откажеме од таа борба“, рече српскиот претседател.