Втор случај на морбили кај дете, одбива да биде вакцинирано

Импортиран втор случај на морбили кај 12 годишно дете од Долно Коњари, општина Петровец, кое одбива да биде вакцинирано. Детето живее во седумчлено семејство, двајца родители и 5 деца, од кои 3 се вакцинирани, а две не.

Семејството престојувало во Нови Пазар, Србија. На 3-ти септември детето поради сомнение за мали сипаници се јавило на Клиниката за инфективни болести. Анализите и епидемиолошката анкета се направени истиот ден.

Ова е втор позитивен случај со морбили во државата, откако првиот случај бил во месец јуни, потврден во Лабуништа, струшко и исто така се работело за невакцинирано дете.