Вселенска конференција го избриша името на Јуриј Гагарин

Конференција на вселенската индустрија го отстрани од еден свој настан името на прославениот советски космонаут Јуриј Гагарин, првиот човек што отпатувал во вселената.

Непрофитната Спејс фондација со седиште во Колорадо објави во сега избришаната белешка дека „во контекст на актуелните светски настани“ на својата конференција Вселенски симпозиум ќе го смени името на настанот за собирање средства од „Ноќта на Јуриј“ во „Празнување на вселената: Откријте што е следно“.

„Фокусот на овој настан за собирање средства останува ист – да се слават човековите достигнувања во вселената и истовремено да се инспирира следната генерација да посегне по ѕвездите“, се забележува во избришаните белешки.