144
Врховниот водач на Иран, ајатолахот Али Хамнеи, ќе ја води петочната молитва и ќе одржи јавна проповед што може да ги расветли плановите на Техеран по масовниот ракетен напад врз Израел.
Ретката проповед на Хамнеи во петок, негова прва по речиси пет години, доаѓа три дена пред годишнината од почетокот на војната меѓу Израел и Хамас во Газа, која започна со нападот на палестинската милитантна група врз Израел на 7 октомври.
Ајатолахот, кој има највисока власт во Иран, ќе ги води муслиманите во молитва во џамијата Имам Хомеини во центарот на Техеран, пренесува Ал Џезира.
Молитвата ќе следи по комеморацијата за убиениот лидер на Хезболах, Хасан Насрала, кој беше убиен минатиот петок во израелски напад врз Бејрут.