Вработени во „Хуавеи“ со години соработувале со армијата на Кинa

Вработени во кинеската телекомуникациска компанија Хуавеи соработувале во најмалку 10 проекти со кинеските вооружени сили во изминатата деценија, објави Блумберг.

– Вработени во Хуавеи биле во тимови со членови на разни структури на кинеската армија на проекти – од вештачката интелигенција до радио комуникации, објави Блумберг.

Портпаролот на Хуавеи Глен Шлос, изјави дека компанијата не соработува, ниту пак е партнер на институции што соработуваат со кинеската армија.

Шлос истакна дека Хуавеи развива и произведува само комуникациски производи што ги исполнуваат светските цивилни стандарди.