Драгана Колевска, која работела во домот на Бојан Јовановски, сведочеше на денешното рочиште за случајот „Рекет“. Таа откри дека на гости на Боки 13 му доаѓале многу познати личности.
– Доаѓаше и Венко Филипче, Орце Камчев со Зоран Милевски, Стефан Богоев, Александар Кирацовски, Лила Филиповска, Сергеј Варошлија и други. Куќата имаше безбедносен видео надзор. Еднаш дојде Катица Јанева, чест гостин беше Зоран Милески, а понекогаш не ни тропнуваше на врата, туку влегуваше внатре. Доаѓаа и новинари од 1ТВ, а еднаш дојде и Радмила Шекеринска– рече сведокот.
Таа посочи и дека Боки 13 реновирал, односно го промени ентериерот на дневната соба, а набавил и уметнички слики.
Пред Колевска сведочеше новинарот Хруистијан Баневски, кој беше дел од тимот на 1ТВ.