Претседателот на партијата Димитар Ковачевски информираше за разговорите со претседателот на Алијанса околу програмскиот дел на можната соработка.
Заедничка оценка е дека Алијанса го поддржува концептот за европска Македонија, а со тоа и директно да придонесат кон остварувањето на стратешките, национални и државни интереси за спроведување на реформите и сите потребни чекори за членство во ЕУ преку директно учество, изјави Богданка Кузеска, портпаролка на СДСМ за денешниот состанок на Извршниот одбор на владеачката партија.
Кузеска потенцира дека извршниот одбор едногласно одлучил, партијата да ги продолжи разговорите со Алијанса врз основа на политички и програмски принципи.
-За понатамошните разговори со Алијанса, ИО на СДСМ одреди Работна група во која покрај претседателот ќе учествуваат и: Миле Зечевиќ – генерален секретар на СДСМ, Љупчо Николовски – член на Централниот одбор и Јован Митрески – координатор на ПГ на СДСМ, информира Кузеска пред медиумите после состанокот.
Ова следува откако денеска премиерот Ковачевски оствари средба со Таравари во Владата. Претседателот на АА најпрвин информираше дека околу 90% од програмските определби на партијата се сихронизирани со премиерот.
–