Вознемирен граѓанин барал средба со Филипче, обезбедувањето повикало полиција

Обезбедувањето на Министерството за здравство утринава викнало полиција затоа што вознемирен граѓанин на скалите од зградата со повишен тон барал да се сретне со министерот за здравство Венко Филипче, пренесува Слободен печат.

-Рече дека не го примале во болници, па бараше помош. Не дојде до никаков напад, обезбедувањето се вознемирило и повикало полиција превентивно. Граѓанинот дојде со документи и бараше помош за здравствена состојба. Јас го примив, поразговаравме, го упатив каде да оди, си имаше мака, му дадов телефон да ме бара и подоцна да видиме што ќе направи во болница, изјави рече Филипче.