Возило се запалило кога сопственикот го стартувал, пожарот зафатил уште две други

Автомобил „рено меган“ со гевгелиски регистерски таблици се запалило кога сопственикот го стартувал. Пожарот се случил на улицата „Орце Николов“ во Скопје.

Од пожарот биле зафатени и патничко возило „фолксваген голф 6“, со скопски регистарски ознаки, сопственост на Г.А.(19) од Скопје и патничко возило „рено клио“, со скопски регистарски ознаки, сопственост на М.С.(68) од Скопје.

Пожарот бил изгаснат од Бригадата за противпожарна заштита. Извршен бил увид на местото на настанот од увидна екипа од СВР Скопје.

Случајот бил пријавен во полиција синоќа, во 18:20 часот.