Воз вчера удрил во автомобил кај тетовски Порој, двајца повредени

Двајца жители на тетовското село Порој се полесно повредени во сообраќајна несреќа кога во нивниот автомобил „цитроен“ удрил воз кој се движел на релација Скопје-Кичево.

Сообраќајката се случи вчера околу 18 часот на железничкиот премин кај селото Порој, при што автомобилот е целосно уништен.

„Во сообраќајката се повредени Б.С (22) и Б.Н (39) и двајцата од селото Порој. Биле однесени во Клиничката болница во Тетово, но по дадената лекарска помош се пуштени на домашно лекување. Поради несреќата до 20:20 часот железничкиот сообраќај беше во прекин“, велат од СВР Тетово.