Неколку лица се загинати, а многу повредени откако воз излета од шините во југозападна Германија, соопштија полициски извори. Несреќата се случила во близина на градот Ридлинген во сојузната покраина Баден-Виртемберг.
Три лица загинаа, а 34 се повредени, од кои тројца потешко, известија службите за итни случаи од местото на настанот. Спасувачките екипи беа испратени на местото на настанот во планинска и шумска област.
Според информациите објавени од полицијата, возот „Regional Express 55“, кој се движел кон градот Улм, бил вклучен во несреќата. Првиот повик до службите за итни случаи бил направен во 18:10 часот.
#Deutschland #zugunglueck #Biberach
Bei dem Zugunglück im Südosten Baden-Württembergs sind mehrere Menschen ums Leben gekommen.Zudem seien zahlreiche Menschen verletzt worden. Die Regionalbahn entgleiste bei #Riedlingen. Zuvor hatte es dort ein Unwetter gegeben. pic.twitter.com/Q6T9sGwyKK— MB (@MB31357662) July 27, 2025
Иако полицијата не можеше да потврди дали во времето на несреќата имало грмотевици, тие за германскиот БИЛД изјавија дека поширокото подрачје на Улм било погодено од бурата во тој момент. Информациите за бројот на жртви првпат ги објави локалниот весник „Швебише Цајтунг“, повикувајќи се на извештаи од службите за итни случаи.