Вооружени разбојници ја ограбиле „Халк банка“ на Качанички пат

Во СВР Скопје денеска околу 13 часот било пријавено дека во банка на улица „Јадранска магистрала“, непознати сторители извршиле разбојништво и со закана со оружје од сефот одзеле неутврдена сума пари.

Се преземаат мерки за пронаоѓање на сторителите и за расчистување на случајот.

Според првичните информации ограбена е екоспозитурата на „Халк банка“ на Качанички пат кон Визбегово, кога пет вооружените лица влегле во банката и им се заканиле на вработените, потоа одзеле непозната сума пари и избегале од местото со автомобилот со кој биле и дојдени пред да го извршат грабежот.