752
Три лица со закана со оружје, денеска во 12:35 часот, одзеле пари од вработените во експозитура на банка на подрачје на Центар, информира Министерството за внатрешни работи.
Од МВР велат дека се уапсени две лица осомничени за грабежот на експозитурата на Уни банка во скопскиот трговски центар Беверли Хилс.
Грабежот е пријавен денеска во 12:35 часот кога маскирани и вооружени разбојници им се заканиле на банкарските службеници со оружје и зеле пари од експозитурата.
Еден од разбојниците со пиштол испукал еден куршум. Во грабежот нема повредени.
Полицијата презема мерки за расчистување на случајот.