Вооружен маж се забарикадирал во работилница во Грција и се заканува со граната, претходно убил две лица

Маж, кој тврди дека убил две лица, се забарикадирал вооружен со граната во столарска работилница во селото Гонои, во грчката област Тесалија, а на местото на настанот се распоредени специјални полициски сили, јавуваат денеска грчките медиуми.

Осомничениот, кој има околу 60 години, се јавил во полиција велејќи дека убил две лица, а полициските службеници потоа го пронашле телото на една од жртвите, за која се верува дека е од ромска етничка припадност, пишува Екатимерини.

Локалните медиуми јавуваат дека осомничениот е познат по неговата политичка активност во екстремно десничарската партија Златна зора, а претходно бил нејзин кандидат за пратеник.

Во моментов се водат полициски преговори со осомничениот.