Вооружен маж држи заложници во фабриката „Проктер и Гембл“ во Турција

Вооружен напаѓач држи како заложници неколку работници на американската компанија за широка потрошувачка Procter & Gamble во Турција.

Според новинската агенција Демирорен, тој „очигледно“ држи заложници во знак на протест против израелските напади врз Газа.

Како што се наведува, човекот упаднал во фабриката во индустриската зона во провинцијата Коџаели околу 15 часот по локално време. Полицијата дошла на местото на инцидентот и се обидува да го убеди да се повлече.

На местото на инцидентот отишол и гувернерот на Коџаели. Турските власти се уште не коментираат.