Вооружен грабеж во банка на НЛБ во Ѓорче Петров

Вооружен грабеж утринава се случи во експозитурата НЛБ Банка во Ѓорче Петров. Затекнатите клиенти и вработените во експозитурата се во добра состојба.

Како што соопштија од Банката, во моментов нивни претставници се во постојан контакт со клиентите и вработените кои биле присутни во експозитурата, ставајќи ја нивната безбедност и нивното здравје во преден план.

Паралелно, информираат од Банката, се соработува со надлежните органи за брзо и ефикасно решавање на случајот, како и утврдување на висината од направената штета.