Војната во Украина можеби ќе заврши наскоро

Советникот на украинскиот претседател Олексеј Арестович денеска изјави дека за Русија и понатаму приоритет е преземање контрола врз Киев, но оти таквиот обид би бил „самоубиство“ за Москва.

Според него „активните напади“ помеѓу двете страни би можеле да завршат за две до три седмици.

Руските сили речиси четири недели, уште од почетокот на инвазијата, се обидуваат да го заземат главниот град на Украина.

Претходно, британското разузнавање соопшти дека руските сили „издржале уште еден ден на ограничен напредок, при што повеќето сили во голема мера се во застој“.