Бунтовниците во Нигер се заканија дека ќе го убијат соборениот претседател Базум, ако почне воена интервенција

Припадниците на воената хунта во Нигер му кажале на висок американски дипломат дека ќе го убијат соборениот претседател Мохамед Базум доколку земјите во регионот се обидат воена интервенција за да го вратат на власт, јавува Асошиетед прес, цитирајќи двајца западни претставници.

Тие ѝ кажаа на заменик-државниот секретар на САД, Викторија Нуланд, за време на нејзината посета на Нигер претходно оваа недела, изјави за АП западен воен претставник, кој сакаше да остане анонимен поради чувствителноста на ситуацијата.

Друг функционер ги потврди овие тврдења, исто така под услов да остане анонимен, бидејќи не е овластен да зборува со медиумите.