Припадниците на Управата за борба против тероризмот во албанската полиција, во Тирана, уапсија 34-годишен руски државјанин, баран со меѓународна потерница поради „учество во терористичка организација“.
Уапсениот Р.М. во јуни 2013 година, ја напуштил Русија и заминал за Сирија, каде што се приклучил на терористичката исламска држава (ИД), како активен учесник во борбата против владините сили во Сирија.
-Неговото апсење следуваше по неколку месечна работа во соработка со партнерски агенции на други земји. Рускиот државјанин во Албанија пристигнал како илегален имигрант. Меѓународна потерница по него беше распишана од Интерпол-Москва, по барање на судот во Надтеречни, Чеченија (Русија), за кривичното дело „учество во терористичка организација“,стои во полициското соопштение.