Израелската војска објави снимка од нејзините копнени сили, кои вклучуваат пешадиски трупи, борбени инженерски сили и тенкови, во акција во Појасот Газа.
Тие сили сè уште се во Газа во овој момент, навлегувајќи подлабоко во територијата под власт на Хамас отколку претходните ограничени упади, пишува The Times of Israel.
Претходно, израелската војска соопшти дека пешадијата, инженерите и тенковите засега ќе останат стационирани во Појасот Газа додека трае копнената операција.
Израелската војска исто така објави дека околу 100 нејзини авиони погодиле 150 цели на Хамас во Појасот Газа во текот на ноќта, што е најтешкото бомбардирање од почетокот на конфликтот на 7 октомври.
Video activity of the IDF Ground Forces in Gaza. pic.twitter.com/FWt0pFO53q
— Israel Defense Forces (@IDF) October 28, 2023