Во светот досега со Kовид-19 се заразиле шест милиони луѓе, половината се активни

Во светот досега со Ковид-19 се заразиле 6.452,703 лица, од кои 3.067,681 оздравеле, а 382.484 починале. Во моментов активни се 3.002.538 случаи, покажуваат податоците од статистичката веб-страница „Ворлдометар“.

Деновиве една од најпогодените земји во светски рамки е Бразил каде само вчера беа потврдени 28.936 нови случаи, а како што пренесе „Ројтерс“ во текот вчерашниот ден оваа земја забележа рекордни 1.262 смртни случаи.

Бразилските здравствени власти од почетокот на епидемијата регистрирале вкупно 558.237 случаи од кои 31.309 пациенти починале, а 253.570 оздравеле.

Во светски рамки, единствено пред Бразил по бројот на заразени се САД со 1,8 милиони. Бројот на смртни случаи таму изнесува 108.059, а на оздравени 645.974.