Во Србија, најмалку 20 отсто од новозаразените се деца

Драматичната ковид-состојба во соседна Србија продолжува. Директорот на кризниот штаб, Предраг Кон, изјави дека во просек околу 20 проценти од новозаразените се всушност, деца на претшколска и школска возраст.

Според него, бројот може да биде и доста поголем, поради асимптоматските случаи, но дека засега системот на следење на состојбата во училиштата добро функционира.

Кон наведува дека вирусот во училиштата „влегол“ поради домашни прослави, но и забави. Епидемиологот стои на тоа дека се потребни построги рестрикции, за да може да се стави ситуацијата во болниците под контрола, бидејќи речиси сите капацитети се исполнети целосно.