Во сообраќајка загина познат српски виолинист – на него налетало возило од спротивен правец

Музичарот Дејан Митровиќ загина синоќа на патот кај Обреновац кога на него налетал автомобил.

Во оваа трагична сообраќајна несреќа, која ја предизвикала жена која возела во спротивен правец, загинал виолинистот на „Кралевите на бендот“. Од тешки повреди тој починал на лице место, пренесува Информер.

Дејан Митровиќ, како што пренесуваат српските медиуми, бил велемајстор на виолина, чии вештини и талент оставија длабока трага на музичката сцена. Неговите колеги и пријатели се збогуваат со него преку социјалните мрежи, истакнувајќи ја неговата исклучителна музичка виртуозност и топлина како личност.