Во Скопје вчера се угасени 22 пожари, 7 пријави биле лажни

Противпожарната бригада на Град Скопје утрово информира дека во текот на вчерашниот ден биле примени 29 пријави за пожари на територијата на главниот град, од кои 7 биле лажни.

„Од нив, 22 пожари се со интервенција и нивно гаснење и локализирани навремено, меѓу кои и фабриката ОХИС каде се употребија повеќе возила и пожарникари. Седум пријави за пожар беа лажни. Меѓу другото се уште имаме екипи од БППЗ-Скопје во Пехчево-Берово“, велат во соопштението од скопската Пожарна.

Македонската влада, поради зголемениот број пожари, прогласи кризна состојба на територијата на целата земја во траење од 30 дена, додека од вторникот на сила е целосна забрана за движење во шумските области.