На територија на Град Скопје изречени се вкупно 116 мерки во текот на вчерашниот ден во акциска контрола во областа на сообраќајот на Министерството за внатрешни работи.
Како што информира МВР, од изречените 116 мерки, за возење повеќе од дозволената брзина се 26 санкции, 18 мерки за возење без возачка дозвола, 10 санкции за прекршоци што ги прават возачите на мотоцикл, осум мерки за возење под дејство на алкохол.
Изречени се шест мерки за нерегистрирани возила, четири санкции за возач почетник, три мерки за минување на затворен сигнал (црвено светло)…
-Засилените акциски контроли продолжуваат. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, соопшти МВР.