Во САД вакцинирани половина од полнолетните граѓани

Половина од полнолетните граѓани во САД се вакцинирани, според податоците на Американскиот центар за контрола и превенција на болести (ЦДЦ).

Повеќе од 164 милиони граѓани или 49,5 проценти од вкупната популација на САД, примиле барем една доза вакцина против Ковид-19, а 131 милиони луѓе или 39,5 проценти од населението е целосно вакцинирано, според податоците на ЦДЦ.

Дистрибуирани се вкупно 287.788.872 дози на вакцини, што е околу 80 проценти од распределените дози од 359.004.955. Во споредба со понеделник, ова е зголемување за 898.000 дози, а просекот на седум дена е 1,8 милиони дози на ден. Ова е првпат во последните три недели да се распределат помалку од милион дози за еден ден.