Во Прилеп приведени се 6 дилери на дрога, вмешани се и полицајци

Министерството за внатрешни работи информира дека се приведени шест лица за продажба на дрога по вчерашната акција на полицијата на територијата на Прилеп, кои ќе бидат предадени на јавен обвинител и изведени пред суд.

– Станува збор за криминална група која се бави продажба на дрога на територијата на Прилеп во акција подготвувана од септември 2020 година. Обезбедени се докази и приведени се шест лица, а претресени се 16 локации. Одземени се дрога, пари од дрогата, мобилни телефони и возила – рече Тони Ангеловски, портпарол на МВР.

Тој додаде дека ќе има и кривична одговорност за полициски службеници кои биле инволвирани во работата на криминалната група од Прилеп, но воедно посочи дека меѓу нив нема приведени.