Во пожар изгоре автомобил паркиран во центарот на Тетово

Денеска околу 17 часот избувнал пожар во автомобил паркиран во дворот од основното училиште „Лирија“ во Тетово. Интервенирала Територијалната противпожарна единица Тетово.

„По пријавата веднаш заминавме за интервенција. Автомобилот е марка „рено“ до тетовски таблици, имаше и експлозија, возилото имаше плински уред. Огнот е целосно изгаснат“ – информираше Авни Амети, командир на Територијалната противпожарна единица Тетово.

Општина Тетово додека трае летниот распуст во училиштата ги пренамени дел од училишните дворови во паркиралишта.