Во Охридско Езеро пронајдена удавена 67-годишна жена од Ресен

Во близина на плажа во Струга, во водите на Охридското Езеро вчера била пронајдена давеникичка.

Од СВР Охрид соопштија дека по увидот било констатирано дека се работи за 67-годишна жена од Ресен.

„Во ОВР Струга, вчера во 15 часот и 25 минути е пријавено дека, во водите на Охридското Езеро, во близина на плажа во Струга, забележано е безживотно тело. Од извршениот увид, констатирано е дека се работи за Ф.С.(67) од Ресен“ рече портпаролот на СВР Охрид, Стефан Димоски.

Доктори од Здравствениот дом – Струга констатирале смрт без траги на насилство.

По наредба на јавен обвинител, врз телото на починатата ќе биде извршена обдукција.