Во Њујорк повторно дозволено оружје на приватен имот

Американскиот федерален суд денеска ја блокираше одлуката на државата Њујорк да го ограничи носењето оружје на приватен имот во согласност со законот усвоен по јунската одлука на Врховниот суд на САД, со која беше укинат строгиот режим за носење оружје во државата.

Со одлукатата на американскиот окружен судија Џон Синатра во округот Бафало се укинува одредбата од законот според која е кривично дело поседувањето огнено оружје на чиј и да е приватен имот за лиценциран сопственик на оружје, освен ако сопственикот на имотот не го дозволи тоа со знак или изразена согласност.