Во невремето во Скопје откорнат кров од зграда во Тафталиџе

Невреме проследено со град, дожд, силен ветер и гром попладнево зафати делови од Скопје. Во населбата Тафталиџе во Општина Карпош силниот ветер откорна крив од зграда.

„Од Е-112 добиена пријава дека поради силниот ветер од невремето, откорнат е кров од зграда и постои опасност да падне и да дојде до поголема штета. Улица Женевска, Тафталиџе- Скопје“, објави директорот на Центарот за управување со кризи, Стојанче Ангелов.

Информирани се Град Скопје и Општина Карпош, рече Ангелов.

Од УХМР денес најавија променливо облачно и нестабилно време со пороен дожд, грмежи и засилен ветер,  а за попладневните часови најавено беше нневреме со пообилен пороен дожд.