Во налет на тајфун загинаа 50 луѓе, 15 се водат како исчезнати!

Најмалку 50 лица загинаа, а 15 се водат како исчезнати по обилните дождови донесени од тајфунот што го погоди градот Зијинг, во централната кинеска провинција Хунан, соопштија денеска локалните власти.

Невремето, предизвикано од тајфунот Гаеми, сериозно го погоди Зијинг од крајот на јули, предизвикувајќи поплави и лизгање на земјиштето, јави Ксинхуа.

Во тек се спасувачките напори и работите на реконструкција на уништената инфраструктура.