Во Грција запленети 850.000 несоодветни заштитни маски од Кина и од Бангладеш

Управата за јавни приходи на Грција, откри и заплени 850.000 несоодветни заштитни маски, без потребните спецификации и меѓународни ознаки, наменети за грчкиот пазар, јави дописничката на МИА од Атина.

Според грчката новинска агенција АНА-МПА, царинската служба на атинскиот аеродром, како и надлежната управа соопштиле дека повеќето од увезените маски биле од Кина, а другиот дел Бангладеш.