Во Грција 33 потврдени и 98 сомнителни случаи на Омикрон

Во Грција потврдени се 33 случаи на варијантата Омикрон, од кои 18 се на островот Крит, додека пак постојат 98 сомнителни случаи, кои се испитуваат, но 98-99 отсто е сигурно дека и тие се Омикрон, соопшти претседателот на Националната организација за јавно здравје Теоклис Заутис, јави дописничката на МИА од Атина.

Објасни дека заразените имаат благи симптоми, само две лица биле хоспитализирани, но без да постојат компликации од вирусот.

Паралелно додаде дека се очекува и во Грција да се зголеми бројот на новата мутација, а со новите мерки целта е да се намали ширењето.