Во Газа убиен лидерот на Хамас

Шефот на безбедносните сили на Хамас е убиен во Газа, јавија медиумите поврзани со оваа организаија.

Се наведува дека загинале и членови на семејството на Џехад Мхајсен. Вдовицата на ко-основачот на Хамас, Абдел Азиз ал-Рантиси, исто така, наводно била убиена во текот на изминатата ноќ.

Тие се последните високи членови на Хамас кои загинаа во она што израелскиот премиер Бенјамин Нетанјаху го опиша како „долга војна што неговата земја ја води против Хамас“.

Некои светски агенции вчера јавија дека Џамила Ал-Шанти, првата жена избрана во политичкото раководство на Хамас, била убиена во израелски напад.

Претходно оваа недела, израелските одбранбени сили објавија на X, дека Ајман Нофал, опишан како „висок функционер на Хамас“, исто така бил убиен.