Во Франција учениците сами ќе се тестираат против ковид-19

Француските ученици ќе можат да се самотестираат наместо да прават ПЦР тестови, изјави францускиот премиер Жан Кастекс и додаде дека причината за тоа е што зголемувањето на случаите на Ковид-19 ги направи здравствените мерки во образовниот сектор премногу гломазни.

-Ова ќе ги намали редиците пред аптеките, рече тој во интервју за телевизијата Франс 2.

Франција пријави најголем скок на хоспитализации од април 2021 година од Ковид-19. Во изминатите 24 часа има 767 нововопримени пациенти во болниците во државата.