Во ЕЛЕМ се вработија синот на Тахир Хани и шурнајката на министерот Бектеши

Секој ден ново вработување на роднина на функционер во државна институција. Додека синот на пратеникот од НСДП, Горан Мисовски, даде отказ од работното место, синот на Тахир Хани, заменик-генерален секретар во Владата, пак е нововработен во АД ЕЛЕМ. Назми Хани е вработен на местото референт во подружница Треска на Електрани на Македонија, пренесе „Алсат“.

Шурнајка на министерот за економија Крешник Бектеши е исто така примена на работа во АД ЕЛЕМ. Станува збор за Нертила Усеини Каба, која е жена на братот на неговата сопруга.