Додека во Дебар се гласа, денеска беше блокиран патот Маврово – Дебар во должина од околу 4 километри, поради изведување на градежни работи, пренесува АлсатМ.
Споре информацијата има граѓани кои се гласачи во Дебар, а кои живеат и работат во други градови, кои не можле да стигнат на гласање, па за да бидат пропуштени од страна на полицијата, ги покажувале личните карти.
Реагираат дека за ова немало претходна најава.
Во општина Дебар до 13:00 часот забележана е поголема излезност споредено со првиот круг од гласањето за 3,8 отсто.
-Од вкупно запишаните 19.211 граѓани, во единствениот избрачки список, правото на глас до 13:00 часот го искористија 3.520 или 18,3 отсто. Во првиот круг од локалните избори гласаа 2.981 лице или 14,5 отсто, изјави за МИА, Рилинд Хаса, претседател на Општинската зборна комисија.
Додава дека во сите 27 избирачки места изборниот ден минува без проблеми и оти поголема излезност очекуваат во следните попладневи часови, што е вообичаена појава за сите изборни циклуси.
Доколку се направи споредба со процентот на излезност со последните локални избори, во 2017 година, таа денеска е речиси на исто ниво. Тогаш, до 13:00 часот гласале 17,9 отсто што е 0,4 отсто помал процент од денеска.
