Во Брисел 20.000 луѓе маршираа за климатските промени

Околу 20.000 луѓе денеска излегоа на улиците на Брисел барајќи мерки против климатските промени, додека во Дубаи се одржува меѓународната климатска конференција COP28.

Насобраните носеа транспаренти со натписи „Не за климатските промени, за промена на системот“ и „Сакаме здрава планета“.

Луѓето шетаа низ улиците со добра атмосфера со музика, а средбата ја организираше Климатската коалиција, која обединува 90 белгиски граѓански организации.

COP28, кој се одржува од 30 ноември до 12 декември во Дубаи, е 28-то издание на големата меѓународна климатска средба која се организира секоја година под покровителство на ОН.