Во Босна и Херцеговина нови 1.056 заразени и 54 починати од Ковид-19

Во последните 24 часа во Босна и Херцеговина тестирани се 3.375 лица, а позитивни на корона вирус биле 1.056. Регистрирани се и 54 смртни случаи од последиците на Ковид-19.

Во федерацијата има тестирано 2.420 примероци, од кои 775 биле позитивни. Досега во федерацијата се регистрирани 108.320 заболени, 87.221 се излечени, активни се 17.554, а денеска пријавени се 33 смртни случаи или вкупно 3.545.

Во Република Српска тестирани се 795, а 193 биле позитивни. Пријавени се 17 смртни случаи.

Досега потврдени се 52.067 заболени од корона вирус, а починаа 2.589. Оздравеа 38.109 лица.

Во Брлко се регистрирани 88 новозаразени, а починаа четворица.