Предлогот на Европската Унија беше прифатен во Собранието на Република Северна Македонија, а билатералниот протокол беше потпишан вчера во нашето Министерство за надворешни работи. Бугарскиот интерес е заштитен, ова е успех и за двете дипломатии, изјави во „Денот почнува“ на „БНТ“ Илхан Ќучук, европратеник, постојан известувач на ЕП за РСМ и копретседавач на АЛДЕ.
„Не треба да бараме кој е победник или кој е губитник во овој долг разговор. Ги потпишуваме договорите во однос на уставот на Бугарија и уставот на Северна Македонија.
Веројатно според овој протокол што министрите го потпишаа вчера, г-ѓа Ганчовска како бугарска министерка за надворешни работи го потпиша делот во кој пишува бугарски јазик во однос кон уставот на Република Бугарија и македонскиот јазик во однос на уставот на Република Северна Македонија. Во 21 век да се оспорува идентитетот и јазикот на било кого ми се чини дека е едноставно неевропски и неодржливо“, истакна Илхан Ќучук.