Поголемиот број од граѓаните кои одговараа на анкетата на „Внимание, внимание“ на „Трн.мк“ рекоа дека се против воведување на униформи во училиштата, објаснувајќи дека поминало времето за униформи.
Испитаните граѓани сметаат дека секој ученик треба да има право да носи тоа што сака и дека униформите одземаат од автентичноста на личностите. Според граѓаните секој треба да си го задржи својот идентитет и да нема униформирање.
Одлуката за воведување на униформи според граѓаните треба да биде на учениците и родителите, а не на градоначалниците, а запрашани доколку сепак се воведуваат униформи кој треба да ги плаќа, повеќето граѓани се согласија дека тие треба да бидат платени од буџетот, а не учениците сами да ги купуваат.
Анкетата „Внимание, внимание – зборуваат граѓаните“, се емитува на каналите на „Трн“ (на Фејсбук, YouTube, и на Инстаграм) и нејзината цел е да се чуе гласот на граѓаните, посебно на младите. Гласот на граѓаните нѝ го претставува артистот Дениз Абдула, а продукцијата е на „Трн.мк“.
ПР