Од ВМРО-Народна соопштија дека вчера на три места во државата било одбележано освојувањето на Македонија од страна на Караѓорѓева Србија, а како што наведуваат, главниот настан се одржал во Штип, а во контекст на Брегалничката битка помеѓу Србија и Бугарија.
„Овие настани кои очигледно веќе стануваат рутина се одбележуваат секоја година, а како главен настан е организирањето прослава под споменикот „Зебрњак“ во Куманово.
На овие одбележувања покрај стандардната „иконографија“ традиционално се установи името „Стара Србија“ или „Јужна Србија“ и терминот „ослободување“ на Македонија, а најкарактеристичниот дел е што во сето ова официјално зема учество и државата со самото тоа што на секој настан присуствува и македонската армија со македонското знаме.
ВМРО-Народна партија постојано укажува на тоа дека на секој од овие настани ниту еден таканаречен македонски патриот не реагира, така што можеме слободно да кажеме дека колку Македонија е посилна против бугарскиот диктат толку е поотворена и без никаков проблем го спроведува српскиот диктат во Македонија“ наведуваат оа партијата.