ВМРО-ДПМНЕ: Заев и Бучковски носат смрт за државата, Филипче и Ангелов смрт за пациентите од корона

by Fokus 08:49
08:49

За функционерите има бесплатни и експресни тестови, бесплатно лекување, а народот е оставен сам на себе. Затоа народот бара оставка од Заев. Неговата неодговорна власт чини здравје и животи на граѓаните, обвинува опозицијата.

-Дури Заев и Бучковски носат смрт на Македонија, Филипче и Ангелов поради неспособноста се одговорни за катастрофалната смртност од корона вирусот. Ова за жал е рецепт за пропаст, соопшти опозициската ВМРО-ДПМНЕ.

- Advertisements -

„Дури премиерот во заминување Зоран Заев и екипата ја убедуваат јавноста дека епидемијата дека е под контрола, починаа 33 лица за само едно деноноќие, а околу 35% од тестираните се заболени. Дури власта убедува дека се е под контрола бројот на заболени достигнува до 64.000 лица, а бројот на починати дојде до 1.825 лица. Со оваа бројка Македонија е на врвот земји во светот по смртност на милион жители. Власта одлепена од реалноста, наместо да носи конкретни мерки за заштита на здравјето и животите на граѓаните ги одбива и оние мерки кои ВМРО-ДПМНЕ ги предлага. Го одбија амандманот за обезбедување средства за набавки на амбулантни возила, го одбија амандманот со кој се бараа средства за бесплатни ковид текстови за граѓаните. На власта и е важно само да обезбеди привилегии на функционерите среде епидемија на сметка на граѓаните. За функционерите има бесплатни и експресни тестови, бесплатно лекување, а народот е оставен сам на себе. Затоа народот бара оставка од Заев. Неговата неодговорна власт чини здравје и животи на граѓаните“, се вели во соопштението на ВМРО-ДПМНЕ.

Поврзани новости