272
„Втора недела учениците немаат учебници, власта осакати цели генерации. Секоја година со СДС и ДУИ на власт нема учебници и по неколку месеци“ велат од ВМРО-ДПМНЕ.
Оттаму посочуваат дека „учениците наместо книги како материјал за учење добиваат скрипти, како што беше примерот минатата година“.
„Основните работи кои власта треба да ги обезбеди во образованието како учебници и свидетелства со СДС и ДУИ станаа луксуз. Нејасно е што прави власта цела година, неколку години по ред, и како еднаш не го погодија времето кога треба да бидат спремни учебниците. Со СДС и ДУИ образованието пропаѓа од ден во ден, потребни се промени, грешките и пропустите кои ги прават се катастрофални за Македонија“ се вели во партиското соопштение.